በስመ አብ ወወልድ ወመንፈስ ቅዱስ አሐዱ አምላክ።
እስከ ክንጅምር ናይ ኪዳን ምሥጢሩ (ኤፌ ፭)
ዘየስተውዕል ኣሎ ብዙኅ ቁም ነገሩ
ከም ሕጉ ዘይከይድ ዘይክተል ኣሰሩ
ሕጊ መጻሕፍቲ ቅድሚ ምጅማሩ
ሥላሴ ብምስሎም ንኣዳም ክፈጥሩ
ረዳኢት ብጸይት’ውን ንሔዋን ክገብሩ
ሕጊ ልቢ ሃቦም ብኡ ክዛወሩ
ነገር ግን ክፍኣት ምስ በዝኀ ምስ ተኸለ ሡሩ
ሕጊ መጽሓፍ ሃቦም ነቢሩ ነቢሩ
፲ቱ ትእዛዛት ሓልዮም ክነብሩክቡራት መንእሰይ ኣብ ዓለም ትነብሩሳድሰይቲ ሕጊ ንምስማዕ ጠንክሩነዚኣ ዝሓሎ ክብ ዝበለ’ዩ ክብሩኣይብተኽን’ዩ ውሽጣዊ ፍቕሩብኺዳን ሓድነት ተጠመሩጠባይ ዘይምኃዝ እዩ ንኺዳን ዝዘሩጒድለት ናይ ሓድሕድኩም ተጻወሩናይ ንብረት ፈተና ብዙኅ እዩ ጾሩቅድሚ ጽንብሎትኩም ጽሑፋት መርምሩድኅሪት ምምላስ የለን ምዱብ’ዩ ሓጹሩርሑሳት መርዓውቲ ዕድልኩም ሠሚሩኣብ “መዝገበ ሕግ” ስምኩም ተደብቲሩወለቕ ዘለቕ የለን ደጊም ንሓዋሩምስ ቅዱስ ኪዳንኩም ንጽሕና ጨምሩንብረት ዓለም ሓፂር እዩ ዕምሩኣይክተርፎን እዩ ኵሉ ከከም ግብሩንዝመጽእ ክብሩ ብኅልፊ ጸዓሩ።
ካብ ፲ቱ ቃላት ክንጠቅስ ጨንፈሩ
ስዩማን ካህናት’ውን ሕዝብኹም መሃሩ
ብዙኃት ኣለዉ ማሕላ ዝሠዓሩ
ብናይ ዝሙት ጋህሚ ኣዒንቶም ዝዖሩ
ደሞም ካባኹም እዩ ዝደልዮ መምህሩ (ጐይታ)
መዝነትኩም ብወንጌል ንገሩ
መታን ከተምልጡ ካብ ዳኅረዋይ ጻዕሩ
ምእመንኩም ከይጠልቕ ኣብዘይ ቀላይ ባሕሩ
ባህልታት በዚኁ ፈቐዶ ሃገሩ
ወልታ ሃይማኖትኩም ጠንኪርኩም ገትሩ
ሳዕቤንኩም ክምዕርግ ኣብ ቅድሚ መንበሩ
በኣኹም ምኽንያት ብእሳት ከይሓሩ
ኣስትይዎም ጸባ ወንጌል ምስ መዓሩ።ኣባኹም ክምለስ ኪዳን እትኣስሩ
ጽን ኢልኩም ስምዕዎም ንክርስቶስ ገብሩ
መንፈስ ቅዱስ እንድኅሪ በሪሩ
ብመሳልል ዘይርከብ ኣሠሩ
ኣካልኩም ኣፍቅሩ ክትኮኑ ማኅደሩ
ንመጻምርትኹም ጓና ኣይትቍጸሩ
ሰብዶ ይጸልእ ኣካሉ ኢደ እግሩ
እምበኣር ኃደራ ንፍቕሪ ክትጽዕሩ።
አሐዱ እምካህናት (ጋዜጣ ፍኖተ ብርሃን)
No comments:
Post a Comment